Guðdómleg ostakaka

 

 

 

Botn:
1 Siríus rjómasúkkulaði, karamellufyllt
ca. 1 pakki Homeblest eða McWeeties súkkulaðikex

Fylling:
400 gr rjómaostur
1 dós karamellujógúrt
½ dl sykur
6 blöð matarlím
3 msk sítrónusafi
1 Siríus rjómasúkkulaði, karamellufyllt
1½ dl rjómi

Karamellukrem:
40 ljósar Nóa töggur
1 dl rjómi

Myljið súkkulaðikexið í matvinnsluvél.
Bræðið rjómasúkkulaðið yfir vatnsbaði og blandið saman við mylsnuna. Þrýstið þessu í botninn á lausbotna formi, 23 cm í þvermál. Kælið.
Leggið matarlím í bleyti í kalt vatn.
Hrærið rjómaostinn með karamellujógúrtinu og sykrinum. Kreistið vatnið af matarlíminu, bræðið yfir vatnsbaði og blandið sítrónusafa saman við. Hellið matarlímsblöndunni saman við ostablönduna og blandið vel. Bætið þeytta rjómanum út í ásamt brytjuðu karamellusúkkulaði. Hellið ostakreminu yfir botninn og kælið vel. Hitið karamellurnar og rjómann við vægan hita. Smyrjið þessu yfir ostakremið.

Svampterta Royal

Royal svampterta


    125 gr hveiti, 155 gr sykur, 125 gr smjör(líki)
    3 egg, 1 1/2 tsk lyftiduft,1 msk kakó, 3 msk heitt vatn ( meira ef þér finnst þurfa)
    Þeytið vel saman smjör(líki) og sykur, bætið eggjum í einu í einu og þeytið vel á milli, sigtið þurrefnin saman við og þynnið e. þörfum með heitu vatni.
    Uppskriftin passar í tvö hringlaga mót. Bakað við 200 gráður .
    
    Stundum set ég smjörkrem á milli botnanna og ofan á, og skreyti jafnvel með nammi f. barnaafmæli.

    Eða ég  geri tvær tertur úr þessu og set sírópskrem ofan á.

    Það geri ég  svona, þeyti saman 6 msk af sírópi og 3 eggjahvítur( geri þetta í hrærivélinni því þetta tekur þó nokkrastund að verða nógu stíft. Skipti þessu ofan á  botnana og skreyti með t.d rifnu súkkulaði eða marglitu kökuskrauti.

    Eða ég set kökuna í sparibúning  með
Súkkulaðimúsarkrem
Bræðið 200 gr af súkkulaði e. smekk í 1/2 l af rjóma við vægan hita.
Kælið vel, gjarnan yfir nótt í ísskáp, þá er þetta stífþeytt eins og rjómi og sett á milli botnanna.
Best er að nota rjómasúkkulaði finnst mér en sumir blanda saman suðusúkkulaði og rjómasúkkulaði

Valhnetuterta

6 egg, 100 gr sykur, 60 gr hveiti, 60 gr kartöfflumjöl, 2 tsk lyftiduft, 100 gr saxaðir valhnetukjarnar.

Þeytt deig, bakað í tveim vel smurðum formum við 175 gráðu hita í ca 40 mín.

 

Valhnetukrem:

4 matarlímsblöð, 3 eggjarauður, 1 dl rjómi, 2 msk sykur, 1 vanillustöng eða 1 tsk vanillusykur, 5 dl rjómi, 150 gr saxaðar valhnetur 1/2 dl sherry, 5 dl rjómi.

Matarlím lagt í bleyti í kalt vatn í 10 mín, tekið upp úr og kreist. Setjið eggjarauður,sykur,vanillu og matarlím í pott og hitið að suðu, hrærið stöðugt í þar til matarlímið er að fullu uppleyst. Látið kólna og fjarlægið vanillustöngina ef hún var notuð.

Þegar þetta er orðið kalt er 5 dl af þeyttum rjóma hrært samn við ásamt sherry og söxuðum valhnetum. SEtt á milli botnannna og ofan á.

Skreytið að síðustu með 5 dl af  þeyttum rjóma. Stráið valhnetum yfir til skrauts.

Öðruvísi rjómaterta (suðræn og seiðandi)

Botnar:

3 egg, 2 dl sykur, 2 dl hveiti, 1 tsk lyftiduft.

 

Fylling:

2 eggjarauður, 1/2 dl flórsykur, 1/2 dl vatn, 1 tsk kartöfflumjöl, 1 dl ávaxtasafi með suðrænu bragði(sunnan 10 eða frissi) 2 dl rjómi.

 

Skraut:

3-4 dl rjómi, 1 klasi græn vínber,1 kiwi,10-12 jarðarber, 1/2 ds ns mandarínur eða ferskjur ,200 gr möndluspænir.

Venjulegir þeyttir botnar,bakaðir í tveim formum við 200 gráðu hita í  ca 10-15 mín.

 

Setjið eggjarauður,flórsykur,vatn,kartöflumjöl og safa í pott og þeytið vel saman,hitið að suðu.Kælið. Blandið svo stífþeyttum rjómanum saman við.

 

Bleytið botnana með ávaxtasafa og setjið fyllinguna  á milli.smyrjið líka hliðarnar og ofan á.

Látið kökuna  bíða innpakkaða í nokkrar klst í kæli. Þá er hún skreytt með stífþeyttum rjóma og ferskum ávöxtum.

Möndlurnar eru ristaðar á þurri pönnu og þrýst á hliðarnar á kökunni og ef  afgangur er þá ofan á kökuna sjálfa.

Mjög falleg kaka á borði og bragðgóð, gerði hana fyrir skírnarveislu og hún sló í gegn. Verði ykkur að góðu.

Rúlluterta

Rúlluterta

úr þessari uppskrift færðu tvær tertur, ljósa og dökka. Getur auðvitað líka haft þetta tvær ljósar eða tvær dökkar :))

Rúlluterta hvít og dökk.
6 egg, 275 gr sykur, 250 gr hveiti, 2 tsk lyftiduft, (2 msk kakó) Hrært deig. Skiptið deiginu í tvennt og bætið kakó í annan helminginn.
Bakið ljósu tertuna fyrst og rúllið upp heitri með sultu e. smekk.
Látið dökku tertuna kólna upprúllaða, áður en kremið er sett innan í.
Bakað við 200 gráður í ca 7-10 mín.

Gerir svo venjulegt smjörkrem og setur í þessa brúnu.

Royal appelsínukaka

50 gr smjörlíki,100 gr sykur eða púðursykur, 2 eggjarauður, 1 1/2 dl mjólk, 125 gr hveiti, 3 tsk lyftiduft, 1 tsk vanilludropar.

 

 

kremið:

2 eggjahvítur, 175 gr sykur rifið hýði af einni appelsínu 1-2 apelsínur til skrauts

Venjulegt hrært deig, bakað í tveim smurðum formum við 200 gráður í 15-20 mín.

 

 

Kremið:

eggjahvítur stífþeyttar, sykrinum hrært gætilega saman við og appelsínuhýðinu einnig.

Setjið smákrem á annan botnin, raðið appelsínubátunum þar ofan á og svo smá krem, restin af kreminu fer ofan á kökuna.

Má raða appelsínum ofan á líka og /eða rifnu appelsínuhýði.

 

Þessa köku bakaði mamma stundum þegar ég var  lítil,okkur systkinunum þótti  hún æðislega góð:)  Börnunum mínum þótti hún ekki eins  góð þegar ég bakaði hana ;)

En   nafnið má rekja til bæklingsins sem uppskriftin var í. 

 

Rice Crispies kaka með karamellukremi

Botnar:
5 eggjahvítur 2dl sykur 2dl púðursykur 2 bollar rice crispies.

Þeytið eggjahvítur, sykur og púðursykur vel saman og blandið síðan rice crispies varlega út í með sleif. Setjið í 2 form smurð og klædd álpappír, og bakið við 150 gráða hita í eina klukkustund.  Kælið.

Þeytið  hálfan líter (5dl) af rjóma og setjið á milli botnanna.

Karamellukrem:

2 dl. rjómi 100 gr púðursykur 2 msk síróp 30 gr smjör 1tsk vanilla.

Setjið rjóma,púðursykur og síróp saman í pott og sjóðið við mjög vægan hita þar til blandan verður þykk. Bætið út í smjöri og vanillu. Kælið og hellið yfir tertuna og jafnið út með sleikju.

Marsipanterta með perum

Marsipanterta m/perum

3 dl hveiti, 1 dl malaðar möndlur, 150 gr smjör/líki,2 msk sykur, 2 msk vatn.

Fylling:

1 stór ds ns perur (ca 400 gr) 200 gr marsipan, 2 eggjahvítur, 1 dl flórsykur, 1 msk hveiti,2 msk saxaðar möndlur,2 dl rjómi.

Útbúið deigið og hnoðið vel, klæðið stórt  smurt paiform (ca 27 cm í þvermál) Forbakið í 5 mínvið 175 gráður

Rífið marsipanið,oghrærið saman við flórsykur,hveiti og stífþeyttar eggjahvítur.

Látið renna vel af perunum í sigti.

Skerið þær niður og raðið í paiformið, og hellið marsipanfyllingunni yfir. Stráið möndlum og rúsínum yfir. Bakið áfram í ca 30 mínútur.

 

Kælið og skreytið m/þeyttum rjóma.

Kornflex terta Díönu

Kornflexterta

4 eggjahvítur, 2 bollar sykur, stífþeytt.

Bætið saman við 2 bollum af kókosmjöli, 2 bollum af kornflexi og 1/2 tsk af lyftidufti.

 

Sett í tvo vel smurða forma og bakað við 175 gráðu hita.

Bl ávextir og  þeyttur rjómi á milli. Skreytt með rjóma og súkkulaði rjóma ofan á.

Kókosterta með hnetum

Kókosterta með hnetum

4 eggjahvítur, 100 gr kókosmjöl, 100 gr smátt saxaðar hnetur 1 tsk lyftiduft.

 

 

Súkkulaðibráð.

4 eggjarauður, 60 gr flórsykur, 50 gr smjör/líki,100 gr suðusúkkulaði

Eggjahvíturnar stífþeyttar, sykrinum bætt smátt og smátt saman við. Kókosmjöli,hnetum og lyftidufti blandað að síðustu í. Sett í tvö smurð form og bakað við 200 gráðu hita í ca 30 mín.

 

 

 

Kremið:

Eggjarauður og flórsykur þeytt vel saman, súkkulaðið brætt og hrært saman við og að síðustu smjörið.

Smurt á alla kökuna, á milli,hliðar og ofaná.

Skreytt með kókosmjöli/hnetum.

Má frysta.