Jarðarberjafrómas

250 gr jarðarber
1 msk sykur
1 msk sítrónusafi
6 stk matarlímsblöð
2 1/2 dl rjómi

aðferð

Maukið 3/4 af jarðarberjunum í matvinnsluvél (mixer), blandið sykri og sítrónusafa saman við, leysið upp matarlímið og blandið saman við. Saxið svo niður restina af jarðarberjunum og blandið saman við ásamt þeyttum rjómanum.

Einnig er mjög gott að saxa niður súkkulaði og bæta út í frómasinn.

Ath ekki má nota písk til að blanda rjómanum og jarðarberjamaukinu saman heldur er betra að nota sleif eða sleikju.

Ef þú ætlar að setja frómasinn á tertu þá er gott að nota smelluform setja annann botninn í formið þá fyllingu og svo seinni botninn ofan á og svo annað hvort setja þeyttann rjóma ofan á eða geyma smá frómas og setja ofan á tertuna. Kælt í 3-4 tíma.