Brauðtertubrauð

Brauðtertubrauð( 1 kringlótt brauð)


    50 gr pressuger, 6 dl mjólk, 3 msk matarolía, 1/2 tsk salt, 2 tsk sykur, uþb 1 lítri hveiti


    Venjulegt hnoðað deig,hefist í 40 mín.

    Hnoðið aftur og setjið í smurt smelluform (ca 26 cm í þvermál)  eða tvö jólakökuform(aflöng brauðterta)stingið í deigið með gaffli, breiðið yfir og látið hefast aftur í 40 mín.
    Bakið á grind neðarlega í ofninum í 20 mín ( 250 gráður) slökkvið á ofninum og bakið áfram í aðrar 20 mín.
    Setjið á rist og kælið.
    
    Til að fá gróft brauð er ekkert til fyrirstöðu að blanda heilhveiti/grahamsmjöli saman við og minnka hveitið að sama skapi.

    Geymist í lokuðu íláti eða plastpoka í 3-5 daga (frystir 9 mán)

    Skerið í þunnar sneiðar með löngum sveiganlegum hníf.

Stóra Bakstursbókin.