Möggukökur

Fékk þessa uppskrift hjá gamalli konu fyrir     mörgum árum og þykir alltaf fjarska vænt um   þessa uppskrift því ég held að hún hafi búið þetta til handa mér sérstaklega  Líkjast Marens   og afskaplega ferskar og góðar. En þær  urðu aldrei eins  hjá mér og henni...

3 eggjahvítur

150 gr sykur

100 gr kókosmjöl

100 gr suðusúkkulaði

 1 tsk  edik

rifið hýði af einni appelsínu

Stífþeytið eggjahvíturnar,bætið helming sykurs  saman við og þeytið áfram þar til þetta er   orðið nógu seigt,bætið edikinu saman við. Síðan er restinni af sykrinum,kókosmjölinu og appelsínuberki-inum bætt saman  við  og að síðustu smátt brytjað súkkulaði. Sett með teskeið á  bökunarpappír og bakað við 200 gráðu hita.

Kókoskransar

Þarf ég að segja ´meira Nægir að það er kókos í uppskriftinni

250 gr hveiti

200 gr smjör

150 gr sykur

korn úr einni vanillustöng eða 1 tsk vanilla

150 gr kókosmjöl

1 egg

Hnoðað.Kælið vel í nokkrar klst. Þarf   að renna í gegn um hakkavélina    og mótaðir hringir eins  og vanilluhringir.

Aristókratar

Fyrir kókosfíkla  eins  og mig,nammi namm

1 1/2 bolli hveiti

1/2 tsk natron

200 gr  suðusúkkulaði brytjað smátt eða svindlið og kaupið  dökka súkkulaðispæni

1/4 tsk salt

1/2 bolli kókosmjöl

1 egg

1 1/2 bolli púðursykur

1/2 bolli smjörlíki

Hnoðað  deig.

Flatt út og skorið út  með  piparkökumótum eða  hnoðað ´lengjur  sem eru  kældar vel og svo skornar í  sneiðar  og bakaðar við 200 gráðu hita....

Kóngakökur

Nú erum við að tala  saman,þessar finnst mér    góðar  Einfaldar að útbúa.

 

125 gr flórsykur

250 gr smjör

375 gr hveiti

Korn af einni vanillustöng eða  1 tsk vanillusykur

1/2 tsk lyftiduft.

Hnoðað deig. Rúllið í þykkar pylsur og kælið vel í ísskáp. Skerið í  sneiðar og raðið á plötu og bakið við 200 gráðu hita í ca 6 mín.

Upprunalega  uppskriftin   sagði til um að rúlla  lengjunum upp úr  fyrst eggjahvítu og svo perlusykri en það   þótti mér óþarfi og hreinlega skemma  kökurnar,sem eru  æðislegar með kakóbollanum mhmmm

Hertogakökur

Uppáhald barna minna (þarf að 4-5 falda  uppskriftina  og hún er yfirleitt búin fyrir jól samt) Fyrrverandi elskaði þetta  líka,en nougat finnst mér sjálfri ógeð

Uppskriftina fann ég í norsku blaði fyrir 26 árum síðan  og hún féll svona  líka  í góðan jarðveg á heimilinu hjá öllum nema  mér sjálfri.

 

En endilega  prufið sjálfar

4 eggjahvítur

150 gr  sykur

3 tsk vanillusykur

65 gr smjör

40 gr hveiti

150 gr   smátt muldar möndluflögur

Nougat eftir smekk.

 

þeytið vel eggjahvítur,bætið sykri og vanillusykri smátt og smátt saman við. Hrærið saman í annnarri skál,smjöri,möndlum og hveiti og blandið eggjahvítu hrærunni varlega  saman við. Sett á   bökunarpappír með skeið,hafið bil á milli,þær renna  soldið  til.

Bakað við 200 gráðu hita í ca 10 mín.

Nougatið brætt og kökurnar lagðar tvær og tvær saman..

Grænu kökurnar

200 gr smjörlíki

300 gr hveiti

100 gr flórsykur

1 egg

1 tsk vanillusykur

Nokkrir dropar af grænum matarlit (ég notaði 7-8 en þær mættu alveg vera litsterkari)

Poki af möndlukurli.

Hnoðað deig.Rúllið upp í lengjur og skerið í sneiðar. Veltið upp úr  eggjahvítu og  síðan möndlukurli,raðið á  bökunarpappírs klædda plötu og berjið  niður með buffhamri til að búa til flott mynstur.

Bakið við 200 gráðu hita í  ca 6-7 mín

Eiginlega  bara  spesíu uppskrift með matarlit,strákunum mínum fannst eggjahvitan og möndlurnar vondar þannig að ég sleppti þeim á sumum kökunum,það er líka  í góðu lagi.

 

Heit mars íssósa (má nota td snickers)

4 stk marssúkkulaði, 1/4 rjómi, 100 gr súkkulaði
Allt sett í pott yfir vægum hita, látið malla í ca 1/2 klst þar til hún er orðinn þykk, fylgist vel með henni. Gott að bera fram með salthnetum, nammi

Tobleron ís

6 eggjarauður, 1 bolli púðursykur, 1 tsk vanilludropar, 1/2 lítri þeyttur rjómi, 100 gr tobleronesúkkulaði í bitum eða rifið.
Þeyta saman eggjarauður og púðursykur, mjög vel, vanilludropum bætt út í og svo þeyttur rjóminn og súkkulaðið. Sett í form og fryst.

Dajm ís

100 gr sykur, 3 egg, 1/4 rjómi, 1 stórt Dajm
þeyta vel saman sykurinn og eggin, þeyttur rjóminn settur varlega saman við og að síðustu smátt brytjað Dajm súkkulaðið. Sett í form og fryst.

Rjómaís með súkkulaðibitum

1/2 l þeyttur rjómi. 4 egg, 2 dl sykur, vanilludropar og súkkulaði í bitum e. smekk. piparmyntu eða  karamellu fyllt er æði saman við;)
Þeyta saman egg og sykur mjög vel, þeyttur rjóminn settur út í, og að síðustu vanilludropar og súkkulaði e.smekk. Sett í form og fryst.